بەغدا 24 ملیار دینار دەنێرێت و SNNوردەكاری دابەشكردنی ئاشكرا دەكات

عەلی حەمە سەعید-SNN
وەزارەتی بازرگانی عێراق ئەمڕۆ یەك شەممە بڕی 24 ملیار و 250 ملیۆن دیناری وەك پارەی گەنمی جوتیارانی هەرێم ڕەوانە كرد، هاوكات تا ئێستا زیاتر لە 250 ملیار دیناری دیكەش ماوە ڕەوانە بكرێت لەلایەن وەزارەتی بازرگانی عێراقەوە.

بەگوێرەی ئەو زانیارییانەی كە لە وەزارەتی بازرگانی هەرێم بە SNNدراون ئەوەخراوەتەڕوو، ئەمڕۆ یەك شەممە لەلایەن وەزارەتی بازرگانی عێراقەوە سێهەمین بڕی پارەی گەنمی جوتیارانی هەرێمی رەوانە كرد كە بڕەكەی 24 ملیار و 250 ملیۆن دینارە.

ئاماژەی بەوەشكرد، لەو بڕە پارەیە، بڕی نۆ ملیار و 500 ملیۆن دینار بۆ جوتیارانی سلێمانی و هەڵەبجە و بڕی حەوت ملیار و 750 ملیۆن دینار بۆ جوتیارانی هەولێر و هەروەها بڕی حەوت ملیار دینار بۆ جوتیارانی پارێزگای دهۆك دەبێت.

لە زانیارییەكانی SNNئەوەشهاتووە كە هێشتا بڕی زیاتر لە 250 ملیار دیناری دیكەی شایستەی دارایی جوتیارانی هەرێمی كوردستان ماوە كە لەلایەن بەغدادەوە رەوانە بكرێت لەكاتێكدا ئەمساڵ حكومەتی عیراق 400 هەزار تۆن گەنمی لە جوتیارانی هەرێم وەرگرت و نرخی هەر تۆنێكی بە 850 هەزار دینار دیاریكردبوو.