بافڵ تاڵەبانی: بە یەکگرتوویی دەتوانین سەرکەوتنی گەورە بەدەستبهێنین

SNN-

بافڵ جەلال تاڵەبانی، سەرۆکی یەکێتیی نیشتمانیی کوردستان، لە پەیامێکدا پیرۆزباییەکی گەرمی ئاراستەی هاندەرانی یانەی زاخۆ کرد بەبۆنەی بەدەستهێنانی خەڵاتی باشترین هاندەرانی جیهان، کە بە دەستکەوتێکی “گرنگ و مێژوویی” ناویبرد.

پیرۆزبایی و دەستخۆشی

سەرۆکی یەکێتیی نیشتمانیی کوردستان لە پەیامەکەیدا دەڵێت: “لە دڵەوە پیرۆزبایی گەرم لە هاندەرانی یانەی زاخۆ دەکەم بەبۆنەی بەدەستهێنانی خەڵاتی باشترین هاندەرانی جیهان، دەستکەوتێکی گرنگ و مێژووییە.”

“بەرهەمی کۆدەنگی و یەکڕیزی بوو”

بافڵ تاڵەبانی جەختی لەوە کردەوە کە ئەم سەرکەوتنە نیشانەی یەکڕیزیی خەڵکی کوردستانە و ڕایگەیاند: “ئەم سەرکەوتنە بەرهەمی کۆدەنگی و یەکڕیزیی خەڵکی کوردستان بوو بۆ ئەم یانە ئازیزەمان و دەرخەری ئەوەیە بە یەکگرتوویی و پێکەوەییمان دەتوانین سەرکەوتنی گەورە بەدەستبهێنین.”