کێ دەبێتە سەرۆک وەزیرانی عێراق؟

ئەندام پەرلەمانێکی پێشووی عێراق رایدەگەیەنێت، ئەو سیڤیانەی پێشکەشی چوارچێوەی هەماهەنگی کراون، ڕەنگە لە ئەنجامدا هیچیان شانسی وەرگرتنی پۆستی سەرۆک وەزیرانیان نەبێت و لەدوا ساتەکاندا ناوێک بهێنن لە پێشبینی کەسدا نەبووبێت.

کاروان یاروەیس، ئەندامی پێشووی پەرلەمانی عێراق رایدەگەیەنێت، لەبارەی پۆستی سەرۆک وەزیرانی عێراقەوە ئەو سیڤیانەی پێشکەشی چوارچێوەی هەماهەنگی کراون، ڕەنگە لە ئەنجامدا هیچیان شانسی وەرگرتنی پۆستی سەرۆک وەزیرانیان نەبێت و لەدوا ساتەکاندا ناوێک بهێنن لە پێشبینی کەسدا نەبووبێت.
ئاماژە بەوەدەکات، سوودانی بەهۆی ئەوەی حزب اللە و حوسیەکان خرانە لیستی گروپ و رێکخراوە بلۆک کراوەکانی بانکی ناوەندی، چەنسی لای شیعەکان سووتا، کاتێکیش ویستی بارەکە راست بکاتەوە لای شیعە، پەشیمان بوویەوە، ئینجا لای ئەمریکیەکانیش سووتا، هەرچی نوری مالیکیە، دەزانێت هێزە سیاسیەکانی شیعە شانسی سێیەم بە مالکی و حزبی دەعوە نادەنەوە لەکۆتاییدا بەمەرجی ئەوەی نە خۆی و نە سوودانی بن پاشەکشە دەکات.

روونیکردووەتەوە، سەرکردەکانی چوارچێوەی هەماهەنگی کەسێک هەڵدەبژێرن بۆ سەرۆک وەزیران فەرمانبەرێکی پلە باڵای موحتەرم بێت، بەکورتی کورد وتەنی «زیانی بۆ پەزەکان نەبێت»، تمووحی سیاسی و دروستکردنی لیستی هەڵبژاردنی نەبێت لەهەڵبژاردنەکانی داهاتوودا کە ڕەنگە بۆ ئەمەیان بەڵێنامەی نوسراو بەدەستوخەتی لێوەربگرن.

کاروان یاروەیس دەڵێت”سەرۆک وەزیرانی داهاتوو واباشە کەسێک بێت، کە بتوانێت هاوسەنگی نێوان کوردو سونە و شیعە رابگرێ و ئێران و ئەمریکاش لەسەری رازی بن، دوو ئاڵنگاری گەورە رووبەروی حکومەتی داهاتوو دەبنەوە، یەکەمیان چۆنێتی یەکلایی کردنەوەی دۆسیەی گروپە چەکدارەکان و دووەمیان کورتهێنانی بودجەو ئاڵنگارییە ئابورییەکان.”