وادەی هاتنی بەفربارین و سەرمای توند راگەیەنرا

SNN
شارەزایەکی کەشناسی رایدەگەیەنێت، سەرماسۆڵەی توند لەم زستانەدا بەڕێوەیە، دەڵێت “سەرماکەی لە سێ ساڵی رابردوو زیاترە”.
شاڵاو هیدایەت، شارەزای کەشناسی لە لێدوانێکدا بە SNNی راگەیاند، سەرەتا هەفتەی داهاتوو رەشەبا ئاسایی دەبێتەوە و لە شەممە بەدواوە رەشەباکە نامێنێت،دەڵێت”لە کۆتایی مانگ و سەرەتاکانی مانگی یەک شەپۆلێکی تری باران و بەفر هەرێمی کوردستان دەگرێتەوە، شەپۆلەکە باشە و کەشی دابارین هەموو ناوچەکانی هەرێم دەگرێتەوە”.
ئاماژە بەوەدەکات، کۆتای ئەم مانگە و ناو مانگی یەک پلەکانی گەرما زیاتر دادەبەزێت، لەنێوان مانگی یەک و دووی ساڵی نوێ چەند شەپۆلێکی سەرمای توند بەڕێوەدەبێت و شەپۆلی بەفربارین لە زۆرینەی ناوچەکانی هەرێم روودەدات، ئەگەری هەیە لە هەرسێ ساڵی رابردوو سەرما و سۆڵە زیاتر دەبێت و شەپۆلی بەفر و دابارین زیاد دەکات”.