بافڵ جەلال تاڵەبانی: حکومەتی داهاتوو دەبێت پابەندی مافە دەستوورییەکان بێت

SNN

بافڵ جەلال تاڵەبانی، سەرۆکی یەکێتیی نیشتمانیی کوردستان، لە بەغدا لەگەڵ محەمەد حەلبوسی، سەرۆکی حزبی تەقەدوم کۆبووەوە.

هەماهەنگی بۆ پێکهێنانی حکومەتێکی بەهێز

لە کۆبوونەوەکەدا، کە نزار ئامێدی، ئەندامی مەکتەبی سیاسیی یەکێتی و دکتۆر خالید شوانی، وەزیری دادی عێراق ئامادەیبوون، جەخت لەسەر پێویستیی هەماهەنگیی نێوان سەرجەم لایەنەکان کرایەوە بۆ سەرخستنی پرۆسەی سیاسی و پێکهێنانی حکومەتێکی بەهێز.

دیدگای یەکێتی

لەلایەن خۆیەوە، سەرۆک بافڵ دیدگای یەکێتیی نیشتمانیی کوردستانی بۆ حکومەتی داهاتووی عێراق ڕوونکردەوە و ڕایگەیاند: “پێویستە حکومەتی داهاتوو توانای چارەسەرکردنی ڕیشەیی کێشەکانی هەبێت و پابەندبێت بە پاراستنی مافە دەستوورییەکانی هاونیشتمانییان.”