بافڵ تاڵەبانی: پابەندبوون بە دەستوور تەنیا ڕێگەچارەیە

SNN

بافڵ جەلال تاڵەبانی، سەرۆکی یەکێتیی نیشتمانیی کوردستان، لە بەغداد لەگەڵ فایەق زێدان، سەرۆکی ئەنجوومەنی باڵای دادوەریی عێراق کۆبووەوە.

پابەندبوون بە بنەما دەستوورییەکان

لە دیدارەکەدا، کە نزار ئامێدی، ئەندامی مەکتەبی سیاسیی یەکێتی و دکتۆر خالید شوانی، وەزیری دادی عێراق ئامادەیبوون، جەخت لەسەر پێویستیی پابەندبوون بە بنەما دەستوورییەکان کرایەوە وەک بناغەیەک بۆ پێکهێنانی حکومەتی نوێی عێراق.

“عیراق بەرەو سەقامگیریی زیاتر دەبات”

لەلایەن خۆیەوە، سەرۆک بافڵ جەلال تاڵەبانی ڕایگەیاند: “پابەندبوون بە دەستوور تەنیا ڕێگەچارەیە بۆ چارەسەرکردنی کێشەکان و عێراق بەرەو سەقامگیریی زیاتر دەبات.”