ئاڵوگۆڕ لە قایمقامیەتی چەمچەماڵ؛ ئاسۆ بەکر شوێنی ڕەمک ڕەمەزان دەگرێتەوە

SNN

لە ڕێوڕەسمێکدا بە ئامادەبوونی بەرپرسانی ئیداری و حکومی، ئاڵوگۆڕ لە پۆستی قایمقامی شارۆچکەی چەمچەماڵ کرا. لەو مەراسیمەدا بە فەرمی ڕەمک ڕەمەزان لە پۆستەکەی بەخشرا و ئاسۆ بەکر وەک قایمقامی نوێی شارۆچکەکە ناسێنرا و دەستبەکار بوو.

پشتیوانی بۆ قایمقامی نوێ

عەتا محەممەد، سەرۆکی کۆمیسیۆنی فریاگوزاریی چەمچەماڵ لە میانی ڕێوڕەسمەکەدا وێڕای سوپاسکردنی قایمقامی پێشوو، پیرۆزبایی لە ئاسۆ بەکر کرد و جەختی لەوە کردەوە کە هەموو پشتیوانییەکی دەبن بۆ ئەوەی بتوانێت لە ئەرکە نوێیەکەیدا سەرکەوتوو بێت و خزمەتی زیاتری خەڵکی ناوچەکە بکات.

قەرەبووکردنەوەی زیانلێکەوتووان

لە بەشێکی دیکەی قسەکانیدا، سەرۆکی کۆمیسیۆنی فریاگوزاریی چەمچەماڵ هەواڵێکی دڵخۆشکەری بۆ دانیشتووانی شارەکە ڕاگەیاند و ئاشکرای کرد، لە سبەی دووشەممەوە دەست دەکرێت بە دابەشکردنی قەرەبوو بەسەر ئەو هاووڵاتییانەی ناو شاری چەمچەماڵ کە بەهۆی لافاوەکەی ئەم دواییەوە زیانیان بەرکەوتووە.