بافڵ جەلال تاڵەبانی و مالیکی کۆبوونەوە؛ حکومەتی داهاتوو تەوەری کۆبوونەوەکە بوو
کۆبوونەوەی سەرۆک بافڵ لەگەڵ نوری مالیکی
SNN
بافڵ جەلال تاڵەبانی، سەرۆکی یەکێتیی نیشتمانیی کوردستان لە شاری بەغدا سەردانی نوری مالیکی، سەرۆکی ھاوپەیمانیی دەوڵەتی یاسای کرد و لە دیدارێکدا دۆخی سیاسی و پێشهاتەکانیان تاوتوێ کرد.
ئامادەبووانی کۆبوونەوەکە
لەو دیدارەدا کە هەریەک لە نزار ئامێدی، ئەندامی مەکتەبی سیاسیی یەکێتی و د. خالید شوانی، وەزیری دادی عێراق ئامادەی بوون، گفتوگۆ لەبارەی پەیوەندییەکانی نێوان هەرێمی کوردستان و عێراق کرا و جەخت لە چارەسەرکردنی پرسەکان کرایەوە.
پێکهێنانی حکومەتی نوێ
تەوەرێکی دیکەی سەرەکیی کۆبوونەوەکە تایبەت بوو بە پرسی پێکهێنانی حکومەتی داهاتووی عێراق. لەم چوارچێوەیەدا هەردوولا هاوڕا بوون لەسەر بەردەوامیدان بە گفتوگۆکان بە ئامانجی پێکهێنانی حکومەتێکی بەهێز و خزمەتگوزار لە عێراق کە لە ئاست چاوەڕوانییەکاندا بێت.
