بافڵ جەلال تاڵەبانی بۆ موسەنا سامەرائی: ئامانجمان چارەسەرکردنی کێشە هەڵپەسێردراوەکانی نێوان هەرێم و بەغدایە

SNN

بافڵ جەلال تاڵەبانی، سەرۆکی یەکێتیی نیشتمانیی کوردستان، لە بەغداد لەگەڵ موسەننا سامەڕائی، سەرۆکی هاوپەیمانیی عەزم کۆبووەوە.

خێراکردنی هەنگاوەکان بۆ پێکهێنانی حکومەت

لە دیدارەکەدا، کە نزار ئامێدی، ئەندامی مەکتەبی سیاسیی یەکێتی و دکتۆر خالید شوانی، وەزیری دادی عێراق ئامادەیبوون، جەخت لەسەر پێویستیی خێراکردنی هەنگاوەکان کرایەوە بۆ پێکهێنانی حکومەتی نوێی عێراق.

دیدگای یەکێتی

لەلایەن خۆیەوە، سەرۆک بافڵ جەلال تاڵەبانی دیدگای یەکێتیی نیشتمانیی کوردستانی بۆ گفتوگۆکان ڕوونکردەوە و ڕایگەیاند: “یەکێتیی نیشتمانیی کوردستان بە دیدگایەکی ڕوونەوە هاتووەتە گفتوگۆکانەوە، کە ئامانجی خزمەتکردنی هاوڵاتییان و چارەسەرکردنی کێشە هەڵپەسێردراوەکانی نێوان هەرێمی کوردستان و عێراقە.”