“دەبێت بەرژەوەندیی هاوڵاتییان بخرێتە سەرووی هەموو ململانێکانەوە”
SNN
بافڵ جەلال تاڵەبانی، سەرۆکی یەکێتیی نیشتمانیی کوردستان، لە بەغداد لەگەڵ سەید عەممار حەکیم، سەرۆکی ڕەوتی حیکمەی نیشتمانی کۆبووەوە.
تاوتوێکردنی هەوڵەکان بۆ پێکهێنانی حکومەت
لە دیدارەکەدا، کە نزار ئامێدی، ئەندامی مەکتەبی سیاسیی یەکێتی و دکتۆر خالید شوانی، وەزیری دادی عێراق ئامادەیبوون، دوایین هەوڵ و گفتوگۆ سیاسییەکان بۆ پێکهێنانی حکومەتی نوێی عێراق تاوتوێکرا.
هاوڕایی لەسەر خێراکردنی پرۆسەکە
هەردوولا هاوڕابوون لەسەر ئەوەی کە پێویستە پرۆسەی پێکهێنانی حکومەت خێرا بکرێت و بەرژەوەندیی گشتیی هاوڵاتییان بخرێتە سەرووی هەموو ململانێ و بەرژەوەندییەکی دیکەوە، بەشێوەیەک کە مافە دەستوورییەکانی خەڵک تیایدا پارێزراوبن.
