کەشناسێک: ئەمشەو باران دەبارێت

SNN-

ئاراس جەبار، شارەزای بواری کەشناسی رایگەیاند، لە ئەنجامی هاتنی نزمە پاڵەپەستۆیەکی لاواز لە دەریای ناوەڕاستەوە بەشێوەیەکی سنووردار کاریگەری بۆ سەر بەشێک لە ناوچەکانی هەرێمی کوردستان، لە کاتەکانی ئەمشەو تاوەکو پێشنیوەڕۆی سبەی چوارشەممە، ئەگەری نمەبارانی پچڕپچڕ و هەندێک کات بارانێکی مامناوەند دەبێت.

ئاماژەی بەوەشکرد، بەتایبەت لە ناوچەکانی سنووری پارێزگای کەرکوک و ئیدارەی گەرمیان کاریگەریی زیاتر دەبێت و بە کاریگەرییەکی لاوازتر لەسەر ناوچەکانی سنووری پارێزگای سلێمانی و هەڵەبجە، کاریگەریی ئەو ناجێگیرییە لاوازە لە بەرگەهەوای ناوچەکەدا، لە نیوەڕۆی سبەی چوارشەممە کۆتایی پێدێت و کەش جێگیر دەبێتەوە.

ئەو شارەزایەی بواری کەشناسی باسی لەوەشکرد، خێرایی با لەسەرخۆ دەبێت (5-10کم/ک)، پلەی گەرمییش جێگیردەبێت؛ تەنیا لە ناوچەکانی رۆژهەڵاتی هەرێمی کوردستان، کەمێک نزمتردەبێتەوە بەراورد بە ئەمڕۆ.