راگەیەندراوێک لە حکومەتەوە لەبارەی پشوو و مووچەوە

SNN

فەرمانگەی میدیا و زانیاریی حکومەتی هەرێمی کوردستان بڵاویکردەوە، لە ڕۆژی پێنجشەممە، 25ی كانوونی یەكەمی 2025، تا ڕۆژی شەممە، 3ی كانوونی دووەمی 2026، لە سەرجەم دامودەزگاكانی هەرێمی كوردستان، پشووی فەرمی دەبێت، مووچەش لە رۆژانی پشوو دابەشدەکرێت.

دەوامی ئێشکگری کوێ دەگرێتەوە؟

بەگوێرەی ڕاگەیاندراوەکەی فەرمانگەی میدیا و زانیاری، هاوکات دەوام لە دامەزراوە خزمەتگوزارییەکان، بە شێوەی ئێشکگری دەبێت.

دابەشکردنی مووچە چیی لێدێت؟

لە كاتی هاتنی مووچەی مانگی تشرینی یەكەمی فەرمانبەرانی هەرێم، پرۆسەی دابەشكردنی مووچە لە ڕۆژانی پشوو بەردەوام دەبێت.

کەی دەوام دەستپێدەکاتەوە؟

ڕۆژی یەکشەممە، 4ی كانوونی دووەمی 2026، دەوامی فەرمی لە سەرجەم دامودەزگاكانی هەرێمی كوردستان دەست پێدەكاتەوە.