بافڵ تاڵەبانی: یەکێتی پارێزەری سەرسەختی کریستیانەکان دەبێت

SNN-

بافڵ جەلال تاڵەبانی، سەرۆکی یەکێتیی نیشتمانیی کوردستان، لە پەیامێکدا بەبۆنەی جەژنی لەدایکبوونی حەزرەتی مەسیحەوە، پیرۆزبایی لە خوشک و برایانی کریستیان دەکات و جەخت لەوە دەکاتەوە کە یەکێتی بە ئەرکی خۆی دەزانێت داکۆکیکاری مافەکانیان بێت.

پیرۆزبایی جەژن

سەرۆکی یەکێتیی نیشتمانیی کوردستان لە پەیامەکەیدا دەڵێت: “بەبۆنەی جەژنی لەدایکبوونی حەزرەتی مەسیح (سڵاوی خوای لێبێت) پیرۆزبایی لە خوشک و برایانی کریستیان لە کوردستان و عێراق و جیهان دەکەم، هیوادارم جەژن لە خۆشی و شادیدا بەسەرببەن.”

بەڵێنی پشتیوانی

لە بەشێکی دیکەی پەیامەکەیدا، بافڵ تاڵەبانی بەڵێنی پشتیوانیی یەکێتی بۆ کریستیانەکان دووپاتکردەوە و ڕایگەیاند: “یەکێتیی نیشتمانیی کوردستان بە ئەرکی خۆی دەزانێت پارێزەر و داکۆکیکاری سەرسەختی کریستیانەکان بێت، تاوەکو لە سەرجەم دامەزراوەکانی وڵاتەکەماندا مافەکانیان پارێزراوبێت و نوێنەرایەتیی ڕاستەقینەی خۆیان بکەن.”