نرخی زیو ئاستێکی مێژوویی و پێوانەیی تۆمارکرد

عەلی حەمە سەعید-SNN
ماوەی چەند ڕۆژێكە نرخی زێر و زیو دەستیان بە بەرز بوونەوەكردووە، بەڵام جیاواز لە زێڕ نرخی زیو بەشێوەیەكی نائاسایی دەستی بەرز بوونەوە كردووە و ئەمڕۆ نرخی كیلۆیەک زیو بە دوو هەزار و 420 دۆلار فرۆشرا، هاوكات ئۆنسەی زێڕێش گەیشتە نزیکەی 4500 دۆلار.

ئاری محەمەد، مامەڵەكار لە بازاڕی كرین و فرۆشتنی زێڕ و زیو لە سلێمانی بە SNNی ڕاگەیاند: چەند رۆژێكە نرخی زێڕ و زیو دەستیان بە بەرزبوونەوە كردووە، ئێستا نرخی ئۆنسەک زێڕ نزیک بووەتەوە لە چوار هەزار و 500 دۆلار، هاوكات نرخی 2420 دۆلاری تێپەڕاند كە ئەوەش نرخێكی پێوانەیی و مێژوییە بۆ زیو.

ئاماژەی بەوەشكرد، لەسەرەتای ئەم هەفتەیە نرخی کیلۆیەک زیو لە نزیكی دوو هەزار دۆلار كڕین و فرۆشتنی پێوە دەكرا.

ئەو مامەڵەكارەی زیڕ و زیو ئەوەشی خستەڕوو، هەموو ئاماژەكان بەو ئاراستەیەن كە زێڕو زیو بەردەوامدەبن لە بەرز بوونەوە چونكە هۆكارە سیاسی و ناوچەیی و ئابورییەكان هۆكارن بۆ بەردەوامی بەرزبوونەوە، بەجۆرێك زێڕ تا پێنج هەزار دۆلار بڕوات و هەروەها نرخی كیلۆیك زیویش بگاتە سەروو دووهەزار و 500 دۆلار.