بافڵ جەلال تاڵەبانی: حکومەتی داهاتوو دەبێت وەڵامدەرەوەی خواستەکانی خەڵک بێت

SNN

بافڵ جەلال تاڵەبانی، سەرۆکی یەکێتیی نیشتمانیی کوردستان، لە دەباشان، پێشوازیی لە موسەننا سامەڕائی، سەرۆکی هاوپەیمانیی عەزم کرد.

پابەندبوون بە وادە دەستوورییەکان

لە دیدارەکەدا، کە ڕەفعەت عەبدوڵا، جێگری سەرۆکی یەکێتی و نزار ئامێدی، ئەندامی مەکتەبی سیاسی ئامادەیبوون، جەخت لەسەر پێویستیی پابەندبوون بە وادە دەستوورییەکان کرایەوە بۆ پێکهێنانی حکومەتی نوێی عێراق.

دیدگای یەکێتی بۆ حکومەتی داهاتوو

لەلایەن خۆیەوە، سەرۆکی یەکێتیی نیشتمانیی کوردستان دیدگای یەکێتیی بۆ حکومەتی داهاتوو خستەڕوو و ڕایگەیاند: “دەبێت حکومەتی داهاتووی عێراق توانای چارەسەرکردنی کێشەکانی هەبێت و وەڵامدەرەوەی خواستەکانی خەڵک بێت.”