SNN-
بافڵ جەلال تاڵەبانی، لە دەباشان لەگەڵ فەرماندەی هێزەکانی 70ـی پێشمەرگە کۆبووەوە و ڕایگەیاند، ئامانجیانه هێزی پێشمەرگە ببێتە هێزێکی تۆکمەی یەکگرتووی نیشتمانی، تاوەکو وەک هەمیشە بتوانێت پارێزگاری لە خاکی کوردستان بکات.
پێشهاتە نوێیەکانی تاوتوێکراوە
بەگوێرەى ڕاگەیێنراوى نووسینگەى ڕۆژنامەوانیی سەرۆکى یەکێتى، بافڵ جەلال تاڵەبانی و لیوا ڕوکن عومەر ساڵح، لە کۆبوونەوەکەدا دوایین پێشهات و بەرەوپێشچوونەکانی پرۆسەی دروستکردنی فەرماندەیی ناوچە و فیرقەی سەربازیی نوێیان لە ڕیزی هێزی پێشمەرگەی کوردستان خستووەتەڕوو.
“هەمیشە قەرزاری نەبەردی و تێکۆشانەکانی ئێوەین”
سەرۆکی یەکێتیی نیشتمانیی کوردستان، سوپاسی پێگە و قوربانییەکانی هێزەکانی 70ـی کرد و گوتى، هەمیشە قەرزاری نەبەردی و تێکۆشانەکانی ئێوەین.
بایەخی یەکخستنەوەی هێزی پێشمەرگە
بەگرنگیشەوە باسى پڕۆسەی یەکخستنەوە و ڕێکخستنەوەی هێزی پێشمەرگەی کوردستانى کرد و ڕایگەیاند، ئامانجیانه هێزی پێشمەرگە ببێتە هێزێکی تۆکمەی یەکگرتووی نیشتمانی، تاوەکو وەک هەمیشە بتوانێت پارێزگاری لە خاکی کوردستان بکات.
