بەشەخۆراکی زیاتر لە چوار ملیۆن کەس دەبڕدرێت

SNN-

محەمەد حەنون، وتەبێژی وەزارەتی بازرگانیی عێراق، رایگەیاند، لە رێگەی کارتی بەشەخۆراکی ئەلیکترۆنییەوە وردبینییەکی بەرفراوانمان کرد، لە ئەنجامدا زیاتر لە چوار ملیۆن کەس بەشەخۆراکیان بڕاوە یان راگیراوە.

ئاماژەی بەوەشکرد، جگە لەو 13 توێژەی پێشتر بڕیاریان لێدرابوو، پزیشکان و دەرمانسازان، خاوەن کۆمپانیاکان، ئەندامانی یەکێتیی پیشەسازی و ژووری بازرگانی، ئەو کەسانەی گەشتی دەرەوە دەکەن وکەسانی مردوو (کە پێشتر ناوەکانیان دەرنەهێنراوە) دەگرێتەوە.

محەمەد حەنون، وتیشی، ئامانج لە جێبەجێکردنی بڕیارەکە کە لەلایەن ئەنجومەنی وەزیران و ئەنجومەنی ئابوری دەرکراوە، ئەوەیە کە خۆراک تەنیا بە کەسانی شایستە و خێزانە کەمدەرامەتەکان بگات.