کەشناسی هەرێم: دووشەممە لە سەنتەری شارەکان بەفر دەبارێت
SNN
بەڕێوەبەرایەتی کەشناسی هەرێم رایگەیاند، شەپۆڵی باران بارین و بەفر بارین لەسەر ناوچەکەمان بەردەوامە تا کاتەکانی ئێوارەی ئەمڕۆ یەکشەممە.
سەبارەت بە بەفر بارین ئاشکرایکردووە، لە ئێستادا لە زۆربەی چیا بەرزەکان و ناوچە سنوورییەکان بەفر بارین بەردەوامە ناوچە جیا جیاکانی تر (سەنتەری پارێزگاکان و قەزاو ناحیە و ئیدارە سەربەخۆکان ) بەهۆی بەهێزی کاریگەری شەپۆلەکە سەرجەمی ناوچەکەمان لە ژێر کاریگەری باران بارین و بەفر بارینە.
لەبارەی وادەی کۆتایهاتنی قۆناغی یەکەمی ئەم شەپۆلە باران و بافر بارینە خەجتیکردووەتەوە، ئەمڕۆ تا کاتەکانی ئێوارە باران بارین بە شێوەی لێزمە بارانی کورت خایەن و نمە بارانی پچڕ پچڕ بەردەوامی دەبێت، لە ئێوارەدا کاریگەری شەپۆلی باران وەک قۆناغی یەکەم کۆتای دێت و لەسەر ناوچەکەمان کەمێک لاواز دەبێت بەڵام پلەکانی گەرما روو لە نزم بوونەوەی زیاتر دەکات خێرای با لەگەڵ باران بارین بە چالاک دەمێنێتەوە .
هاوکات، سبەینێ دووشەممە کاریگەری شەپۆلی باران و بەفر بارین کەمێک لاواز دەبێت لە کاتەکانی بەرەبەیانی ڕۆژی دووشەممە تا کاتەکانی نیوەڕۆ ئاسمان تەم و بەفر بارینێکی کەم لەسەر ناچە شاخە بەرزەکان بەردەوامی دەبێت، پاشان کاریگەری بارستە هەوایەکی ساردی جەمسەری لەگەڵ کەشی ناوچەکەمان تێکەڵ دەبێت و پلەکانی گەرما زیاتر نزم دەبێتەوە دووبارە باران بارین و بەفر بارین لەسەرجەم ناوچەکەمان دەست پێدەکاتەوە باران بە شێوەی نمە باران و بارانی مامناوەند دەبێت، لە سەنتەری پارێزگای سلێمانی و دهۆک و هەڵەبجە ئەگەری بەفر بارینی دەبێت هەموو ئەو ناوچانەی بەرزیان لە 750 مەتر بەرزە لە ئاستی رووی دەریا ئەگەری بەفری هەیە، تا ڕۆژی سێ شەممە کاریگەری ئەو ناجێگیریەی کەش بەردەوامی دەبێت .
بەرزترین پلەکانی گەرمای پێشبینیکراو بە پلەی سیلیزیش بەمشێوەیەیە:
هەولێر : 5 پلەی سیلیزی
سلێمانی : 2 پلەی سیلیزی
دهۆک : 1 پلەی سیلیزی
زاخۆ : 5 پلەی سیلیزی
هەڵەبجە : 3 پلەی سیلیزی
گەرمیان : 8 پلەی سیلیزی
بەهەمان شێوە کەشناسی هەرێم بری بەفر بارین لە 24 کاتژمێری رابردوو لە ناوچە جیاجیاکانی هەرێمی کوردستان بەمشێوە خستووەتە ڕوو:
1- هەڵشۆ 15 سم
2- کانی ماسی 10 سم
3- سەرزێرێ 25 سم
4- هێرۆ 7 سم
5-قەڵادزێ 6 سم
6-چەمانکێ 5 سم
7- سەرسەنگ 5سم
8- نازەنین 5سم
9- بامەرنێ 1 سم
10-ئامێدی 1 سم
