وادەی دابەشکردنی مووچەی مامۆستایانی گرێبەست راگەیەنرا

SNN

وەزارەتی دارایی هەرێم رایگەیاند، رۆژی چوارشەممە مووچەی مانگی تشرینی یەکەمی مامۆستایانی گرێبەستی وەزارەتی پەروەردە و خوێندنی باڵاو توێژینەوەی زانستی دابەش دەکرێت.

ئاماژەی بەوەکردووە، چوارشەممە مووچەی مانگی تشرینی یەکەمی سەرجەم ئەو فەرمانبەرانە دابەش دەکرێت کەلەدوای ( 1/7/2025) بەشێوەی گرێبەست و هەمیشەیی لەسەر میلاکی دامەزراوەکانی حکومەتی هەرێم دامەزراون کەشایستەکانیان لەسەر داهاتی ناوخۆی هەرێمی کوردستان خەرج دەکرێت.

عەلی رەئوف نوێنەری مامۆستایانی گرێبەستیش لەوبارەیەوە ئاشکرایکردووە، ژمارەی مامۆستایانی گرێبەستی وەزارەتی پەروەردە 37 هەزار و 933 کەسە، ژمارەی مامۆستایانی گرێبەستی خوێندنی باڵا 4 هەزار و 100 کەسە، کۆی خەرجی مووچەی یەک مانگیان 24 ملیار دینارە .