سەردانی مەزڵوم عەبدی بۆ سوریا دواخرا

SNN-

سەردانی ئەمڕۆی مەزڵوم عەبدی بۆ دیمەشق دواخرا و هەسەدەش دەڵێت هیچ گۆڕانکارییەک ڕووی نەداوە دواخستنەکە بەهۆکاری هونەرییە.

ئەمڕۆ مەزڵوم عەبدی ناچێتە دیمەشق

هەرچەندە بڕیاربوو ئەمڕۆ مەزڵوم عەبدی فەرماندەی گشتیی هێزەکانی سوریای دیموکرات-هەسەدە سەردانی دیمەشق بکات و لەگەڵ ئەحمەد شەرعی سەرۆکی ڕاگوزەری وڵاتەکە کۆببیتەوە, بەڵام هەسەدە دواخستنی سەردانەکەی ڕاگەیاند.

هەسەدە لە راگەیەندراوەکەیدا دەڵێت: بڕیاربوو ئەمڕۆ 29 ی کانونی یەكەم، مەزڵوم عەبدی فەرماندەی گشتی هێزەکانی سوریای دیموکرات لەگەڵ شاندی دانوستانکاری باکور و ڕۆژهەڵاتی سوریا سەردانی دیمەشق بکەن، بەڵام بە هۆکاری هونەریی سەردانەکە دواخراوە.

دواتر وادەیەکی نوێ دیاریدەکرێت

دەشڵێت: دواتر وادەیەکی نوێ دیاری دەکرێت بۆ سەردانیکردنەکە، کە هەموو لایەنە پەیوەندیدارەکان لەسەری ڕێکبکەون.

“هیچ گۆڕانکارییەک لە پەیوەندییەکان رووینەداوە”

ئاماژەی بەوەشکردوە، ئەم دواخستنە پەیوەستە بە ڕێکخستنە لۆجستی و هونەرییەکانی سەردانەکە و هیچ گۆڕانکارییەک لە پەیوەندییەکان یان ئامانجەکانی گفتوگۆکان ڕووینەداوە.