بافڵ جەلال تاڵەبانی بۆ عەدنان فەیحان: پشتگیر و هاریکار دەبین بۆ پتەوکردنی گیانی برایەتی و پێکەوەیی

SNN

بافڵ جەلال تاڵەبانی، سەرۆکی یەکێتیی نیشتمانیی کوردستان، لە پەیامێکدا پیرۆزبایی لە بەڕێز عەدنان فەیحان دەکات بەبۆنەی هەڵبژاردنی وەک جێگری یەکەمی سەرۆکی ئەنجوومەنی نوێنەرانی عێراق.

پیرۆزبایی و هیوای خزمەتکردن

سەرۆکی یەکێتیی نیشتمانیی کوردستان لە پەیامەکەیدا دەڵێت: “بەبۆنەی هەڵبژاردنتان و بەدەستهێنانی متمانەی زۆرینەی پەرلەمانتاران، پیرۆزبایی گەرمتان لێدەکەم و هیوادارم لەم بەرپرسیارێتییەدا بە گیانی پێکەوەیی و نیشتمانیی خزمەتی گەل و وڵاتەکەمان بکەن.”

بەڵێنی پشتیوانیی یەکێتی

بافڵ جەلال تاڵەبانی جەختی لەسەر ئامادەیی یەکێتی کردەوە بۆ هاوکاری و پشتیوانی لە سەرۆکایەتیی نوێی پەرلەمان و ڕایگەیاند: “ئێمە لە یەکێتیی نیشتمانیی کوردستان بە پەرۆشییەوە پشتگیر و هاریکار دەبین بۆ پتەوکردنی گیانی برایەتی و پێکەوەیی، لەپێناو خزمەتکردنی خەڵک و بەهێزترکردنی دەسەڵاتی یاسادانان و پابەندبوون بە دەستوور، بۆ زاڵبوون بەسەر ئاستەنگەکان و پاراستنی سەقامگیریی وڵات.”