كابینەكەی مەسرور بارزانی بڕی زیاتر لە 13 ترلیۆن دینار مووچەی فەرمانبەرانی خواردووە

عەلی حەمە سەعید-SNN

لەگەڵ ئەوەی مەسروبارزانی لەسەرەتای دەستبەكار بوونی كابینەكەیەوە بەڵێنی بە فەرمانبەران و مووچەخۆراندا كە مووچە لەكاتی خۆیدا دابەشدەكات و مووچە نافەوتێت، بەڵام بە پێچەوانەی بەڵێنەكانییەوە، زۆرترین مووچەی فەرمانبەران لە كابینەی مەسروبارزانی فەوتا كە زیاتر لە 13 تریلیۆن دینار.

بە گوێرەی بەدواداچوونەكانی SNN لەماوەی دەستبەكاربوونی مەسوربارزانی وەك سەرۆكی حكومەت لە ماوەی كابینەی هەشت و نۆ،لە ماوەی 78 مانگی ڕابردوودا، 13 مانگ هیچ مووچەیەك دابەشنەكراوە، هەروەها 10 مووچەش بەلێبڕین دابەشكراوە و لە كۆی ئەو 78 مووچەیە تەنها 55 مووچەی تەواوی بەشكراوە.

ئاماژە بەوەشكراوە، كۆی گشتی ئەو پارەیەی كە دەبوو كابینەكەی مەسروبارزانی بە مووچە خۆرانی بدایە و نەیداوە برتییە لە بڕی 13 تریلیۆن و 814 ملیار دینار كە دابەشدەكرێت بەسەر 13 مووچەی فەوتا و هەروەها 10 مووچەش كە بە لێبڕین دابەشكراون.

هەر لە بەدواداچوونەكانی SNNئەوەشهاتووە كە بەكۆی گشتی لەماوەی 11 ساڵی ڕابردوودا لە كۆی 132 مووچە، 18 مووچە دابەشنەكراون و ناویان لێنرداوە پاشەكەوت، كە بڕی پارەكەیان دەگاتە نزیكەی 30 ترلیۆن و 802 ملیار دینار، بۆیە بە ڕای چاودێرانی سیاسی و ئابوری، كابینەكەی مەسوربارزانی لەماوەی 30 ساڵی ڕابردوودا خراپترین كابینەی حكومەت بووە بۆ فەرمانبەران كە مووچەی خواردوون و دابەشی نەكردووە.