ئێران وڵامی هەرەشەکانی ئەمریکا دەداتەوە
SNN
عه‌لی لاریجانی، راوێژكاری عه‌لی خامنه‌یی، ڕێبه‌ری باڵای ئێران ده‌ستبه‌جێ وه‌ڵامی هه‌ڕه‌شه‌كانی دۆناڵد تره‌مپ، سه‌رۆكی ئه‌مریكای دایه‌وه و ڕایگه‌یاند، ده‌ستوه‌ردانی ئه‌مریكا له دۆخی ئێران یه‌كسانه به تێكچونی دۆخی ناوچه‌كه، ده‌شڵێت، به هه‌ڵوێستی به‌رپرسانی ئه‌مریكا و ئیسرائیل پاشخانی روداوه‌كان رونبوه‌وه.
عەلی لاریجانی، سکرتێری ئەنجوومەنی باڵای ئاسایشی نیشتمانیی ئێران دەشڵێت، “بە هەڵوێستی بەرپرسانی ئیسرائیل و ترەمپ، پاشخانی رووداوەکە روون بووەوە” و “ئێمە هەڵویستی کاسبکارانی ناڕازی لە کەسانی تێکدەر جیا دەکەینەوە”.
عەلی لاریجانی ئاماژە بەوەش دەدات، “پێویستە گەلی ئەمریکا بزانێت کە ترەمپ ئەم سەرکێشییەی دەستپێکردووە. پێویستە ئاگاداری سەربازەکانیان بن”.
قسەکانی عەلی لاریجانی دوای ئەوە هاتن کە ترەمپ رایگەیاند، “ئەگەر ئێران تەقە بکات و بە تووندوتیژی خۆپیشاندەرانی ئاشتیخواز بکوژێت، کە ئەمە نەریتی ئەوانە، ویلایەتە یەکگرتووەکانی ئەمریکا بە هانایانەوە دێت”. دەشڵێت، “ئێمە ئامادە و پڕچەکین و ئامادەی جووڵەین”.
