دابەشکردنی دووەمین بەشە نەوت دەستیپێکرد

SNN-

وەزارەتی نەوتی عێراق دەستپێکردنی پڕۆسەی دابەشکردنی دووەمین بەشە نەوتی راگەیاند، کە سەرجەم شارەکان جگە لە هەرێمی کوردستان دەگرێتەوە.

وەزارەتی نەوتی عێراق ئاشکرایکرد، لەشاری بەغداوە دابەشکردنی دووەمین بەشەنەوت بەسەر هاووڵاتیاندا دەستپێدەکات، چاوەڕواندەکرێت لەکەرکوکیش لەم چەند ڕۆژەدا دابەشکردنی دووەمین بەشەنەوت بکرێت.

ئەمەش لە کاتێکدایە، لەگەڵ ئەوەی لەناو زستانێکی سەختداین تا ئێستا بەشێکی زۆری هاووڵاتییانی هەرێمی کوردستان نەوتیان وەرنەگرتوە و نرخی نەوتی پاڵپشتیکراوی حکومی لە عێراق و هەرێمی کوردستان جیاوازییەکی زۆری هەیە و نرخی هەر بەرمیلێک نەوت لە عێراق کەمتر لە 40 هەزار دینارە و لە هەرێمی کوردستانیش نرخەکەی 104 هەزار دینارە، واتا نرخی بەرمیلێک نەوت لە هەرێمی کوردستان نزیکەی سێ بەرامبەری عێراقە.