وەزارەتی دەرەوەی چین: پێویستە دەستبەجێ مادۆرۆ ئازاد بکرێت
SNN
کاردانەوەکان دژی دەستگیرکردنی نیکۆلاس مادۆرۆ سەرۆکی ڤەنزوێلا بەردەوامن و پەکین داوای دەستبەجێ ئازادکردنی دەکات.
وەزارەتی دەرەوەی چین، لە راگەیەندراوێکدا دەستگیرکردنی نیکۆلاس مادۆرۆ و هاوسەرەکەی بە پێشێلکاری زەوی یاسا نێودەوڵەتییەکان ناوبردووە.
لە راگەیەندراوەکەدا داواکراوە کە ئەمریکا دەستبەجێ مادۆرۆ و هاوسەرەکەی ئازاد بکات و گەرنتی سەلامەتیان بکات.
پەکین داواشی کردووە واشنتۆن دەستبەرداری بیرۆکەی رووخاندنی دەسەڵآتی ڤەنزوێلا ببێت و قیرانی ئەو وڵاتە لە رێگەی گفتوگۆ و دانوستانەوە چارەسەر بکرێت.
بەرەبەیانی 3ی کانونی دووەم یەکە تایبەتەکانی ئەمریکا چوونە کاراکاسی پایتەختی ڤەنزوێلا و سەرۆکی ئەو وڵاتە و هاوسەرەکەیان دەستگیرکرد.
دۆناڵد ترەمپ سەرۆکی ئەمریکا هۆکاری ئەنجامدانی ئۆپراسیۆنەکەی بۆ ئەوە گەڕاندەوە کە ڤەنزوێلا سەرچاوەی سەرەکییە بۆ بە قاچاخناردنی ماددەی هۆشبەر بۆ وڵاتەکەی.
