بافڵ جەلال تاڵەبانی: دەمانەوێت حکومەتێک بونیادبنێین کە وەڵامدەرەوەی خواستەکانی خەڵک بێت

SNN

بافڵ جەلال تاڵەبانی، سەرۆکی یەکێتیی نیشتمانیی کوردستان، لە دەباشان پێشوازیی لە وەفدێکی باڵای مەکتەبی سیاسیی بزووتنەوەی سادقوون کرد بە سەرۆکایەتیی دکتۆر نەعیم عەبوودی.

هەماهەنگی بۆ پێکهێنانی حکومەت

لە دیدارەکەدا، کە دەرباز کۆسرەت ڕەسوڵ و نزار ئامێدی، ئەندامانی مەکتەبی سیاسیی یەکێتی ئامادەیبوون، جەخت لەسەر پێویستیی بەردەوامیی گفتوگۆی بونیادنەرانە و هاریکاریی هەمەلایەنەی نێوان لایەنە سیاسییەکان کرایەوە بۆ سەرخستنی پرۆسەی سیاسی، پاراستنی سەقامگیریی عێراق و پابەندبوون بە وادە دەستوورییەکان بۆ پێکهێنانی حکومەتی نوێ.

پەیامی بافڵ جەلال تاڵەبانی

لەلایەن خۆیەوە، بافڵ جەلال تاڵەبانی جەختی لە سیاسەتی نیشتمانیی یەکێتی بۆ کاری هاوبەش و شەراکەتی ڕاستەقینە لە عێراقدا کردەوە و وتی: “دەمانەوێت حکومەتێک بونیادبنێین کە وەڵامدەرەوەی خواست و پێویستیی خەڵکە خۆشەویستەکەمان بێت و ببێتە مایەی خزمەتکردن و بوژاندنەوەی زیاتری وڵاتەکەمان، کە ئەمەش تەنها بە پڕۆژەیەکی هاوبەش بەدیدێت.”