بافڵ جەلال تاڵەبانی: پێویستە حکومەتێکی بەهێز پێکبهێنرێت کە بە هاوسەنگی خزمەتی ناوچەکان بکات
SNN
بافڵ جەلال تاڵەبانی، سەرۆکی یەکێتیی نیشتمانیی کوردستان، لە دەباشان، پێشوازیی لە وێندی گرین، کونسوڵی گشتیی ئەمریکا لە هەرێمی کوردستان کرد و لە دیدارێکدا، چەندین پرسی گرنگی سیاسی، ئەمنی و ئابووری خرایەبەر باس.
پێکهێنانی حکومەتێکی خزمەتگوزار و هاوسەنگ
پێکهێنانی حکومەتی نوێی هەرێمی کوردستان تەوەرێکی سەرەکیی کۆبوونەوەکە بوو. لەمبارەیەوە، بافڵ جەلال تاڵەبانی جەختی لە پێویستیی پێکهێنانی حکومەتێکی خزمەتگوزاری بەهێز کردەوە کە بە هاوسەنگی خزمەتی تەواوی ناوچەکان بکات و لە ئاستی خواستەکانی هاونیشتمانییان و چارەسەرکردنی کێشەکاندا بێت.
یەکخستنەوەی هێزی پێشمەرگە
پرسی یەکخستنەوە و ڕێکخستنەوەی هێزەکانی پێشمەرگە خرایەبەر باس و بافڵ جەلال تاڵەبانی ڕایگەیاند، یەکێتی هەموو هەوڵێک دەدات بۆ بنیادنانی هێزێکی نیشتمانیی تۆکمە بۆ پاراستنی بەرژەوەندییە باڵاکانی هەرێمی کوردستان.
یەکڕیزیی کورد لە بەغداد
لە بەشێکی دیکەی دیدارەکەدا، جەخت لە گرنگیی یەکخستنی هەوڵەکان و یەکگووتاریی لایەنە کوردییەکان لە بەغداد کرایەوە.
