شێخ جەعفەر: درێژەپێدەری سیاسەتی حەکیمانەی سەرۆک مام جەلال دەبین

SNN

بافڵ جەلال تاڵەبانی، سەرۆکی یەکێتیی نیشتمانیی کوردستان، لە دەباشان، لەگەڵ   شێخ جەعفەر شێخ مستەفا، لێپرسراوی ئەنجوومەنی پاراستنی بەرژەوەندییە باڵاکانی یەکێتیی نیشتمانیی کوردستان کۆبووەوە.

یەکخستنی تواناکان بۆ خزمەتکردنی خەڵک

لە کۆبوونەوەکەدا، کە جەلال شێخ ناجی، سەرۆکی ئاژانسی پاراستن و زانیاری/زانیاری ئامادەیبوو، جەخت لەسەر پێویستیی هەماهەنگی و یەکخستنی توانای سەرجەم دامەزراوەکانی یەکێتی کرایەوە، بە ئامانجی خزمەتکردنی زیاتری هاوڵاتیان و جێبەجێکردنی داواکارییەکانیان.

پەیامی شێخ جەعفەر

لەلایەن خۆیەوە، شێخ جەعفەر شێخ مستەفا دووپاتیکردەوە کە بە هەمان ڕۆحییەتی کوردانە و یەکێتییانەوە، “درێژەپێدەری سیاسەتی حەکیمانەی سەرۆک مام جەلال دەبین.”