بافڵ جەلال تاڵەبانی و نوری مالیکی جەخت لە پێکهێنانی حکومەت لەکاتی خۆیدا دەکەنەوە

SNN-

بافڵ جەلال تاڵەبانی، سەرۆکی یەکێتیی نیشتمانیی کوردستان، لە بەغداد لەگەڵ نووری مالیکی، سەرۆکی هاوپەیمانیی دەوڵەتی یاسا کۆبووەوە.

گفتوگۆ لەسەر دۆخی سیاسی

لە دیدارەکەدا، کە ڕەفعەت عەبدوڵا، جێگری سەرۆکی یەکێتی، دەرباز کۆسرەت ڕەسوڵ، ئەندامی مەکتەبی سیاسی و خالید شوانی، وەزیری دادی عێراق ئامادەیبوون، دۆخی گشتیی سیاسیی عێراق و ناوچەکە تاوتوێکرا.

گەڵاڵەکردنی دیدی هاوبەش

هەردوولا جەختیان لە گرنگیی لێکنزیککردنەوەی بۆچوونی لایەنەکان و گەڵاڵەکردنی دیدگایەکی هاوبەش کردەوە، بە ئامانجی پێکهێنانی حکومەتی نوێی عێراق لەو وادە دەستوورییەی کە بۆی دیاریکراوە.