لە دوو هەفتەی رابردوودا 490 خۆپیشاندەر و 48 ئەندامی هێزە ئەمنییەکان لە خۆپیشاندانەکانی ئێران کوژراون

SNN

رێکخراوی مافی مرۆڤی (HRANA) کە بنکەکەی لە ئەمریکایە دەڵێت: بە گوێرەی ئەو زانیارییەکانی لە چالاکوانانی ناوخۆ و دەرەوەی ئێرانەوە وەریگرتووە، لە سەرەتای دەستپێكردنی خۆیشاندانەكانی ئێرانەوە كە لە هەفتەی دووەمیدایە تائێستا كوژراونی (490) خۆپێشاندەر و (48) ئەندامی هێزە ئەمینیەكان تۆماركراوە، زیاتر لە (10)هەزار و (600)کەسیش دەستگیرکراون.

ئەوە لەكاتێكدایە حکومەتی ئێران بۆ یەکەمجار ئاماری کوژراوانی هێزە ئەمنییەکانی لە خۆپێشاندانەکاندا راگەیاندو دەڵێت: (111) ئەندامی هێزە ئەمنییەکان کوژراون کە(18) یان لە پارێزگاکانی رۆژهەڵاتی کوردستان بوون.

بە گوێرەی میدیای فەرمیی ئێران جگە لە پارێزگای سنە، لە چوار پارێزگاکەی دیکەی رۆژهەڵاتی کوردستان هێزە ئەمنییەکان کوژراویان هەیە:
کرماشان: 8 کوژراو.
لوڕستان: 5 کوژراو.
ئیلام: 4 کوژراو.
ورمێ: 1 کوژراو.