بافڵ تاڵەبانی و موحسین مەندەلاوی جەختیان لەسەر پێویستیی گەیشتن بە حکومەتێکی خزمەتگوزاریی نیشتمانی کردەوە کە لە ئاستی داواکارییەکانی هاوڵاتیاندا بێت

SNN

بافڵ جەلال تاڵەبانی، سەرۆکی یەکێتیی نیشتمانیی کوردستان، لە بەغداد لەگەڵ موحسین مەندەلاوی، سەرۆکی هاوپەیمانیی ئەساسی عێراقی کۆبووەوە.

تاوتوێکردنی پرسی پێکهێنانی حکومەت

لە دیدارەکەدا، کە ڕەفعەت عەبدوڵا، جێگری سەرۆکی یەکێتی، دەرباز کۆسرەت ڕەسوڵ، ئەندامی مەکتەبی سیاسی و خالید شوانی، وەزیری دادی عێراق ئامادەیبوون، پرسی پێکهێنانی حکومەتی نوێی عێراق تاوتوێکرا.

گەیشتن بە حکومەتێکی نیشتمانی
هەردوولا جەختیان لەسەر پێویستیی گەیشتن بە حکومەتێکی خزمەتگوزاریی نیشتمانی کردەوە کە لە ئاستی خواست و داواکارییەکانی هاوڵاتیاندا بێت.