پێشبینی دەکرێت لە سەنتەری شاری سلێمانی 10-15 سم بەفر ببارێت

SNN

پشتیوان پێنجوێنی شارەزای کەشناسی پێشبینی دەکات لە ئیدارەی راپەڕین زۆرترین بڕی بارانبارین تۆماربکرێت و لە سەنتەری شاری سلێمانیش ئەگەری بارینی 10 بۆ 15 سم بەفر هەیە.

بە وتەی ئەو شارەزایەی کەشناسی لە ئەمڕۆ سێ شەممەوە تا بەرەبەیانی رۆژی پێنج شەممە ناوبەناو باران دەبارێت ، لە ناوچەی جیا جیا هەندێک کات بارانی بەخوڕ دەبارێت لەگەڵ ڕوودانی هەورەگرمەو هەورەبروسکە – تەرزەش دەبارێت ، مەودای ئێوارەی چوارشەممە بۆ کاتژمێر 11ی شەو لە ناو سەنتەری شاری سلێمانی بەفر دەبارێت لە قەزای چەمچەماڵیش ئەگەری بەفر بارین هەیە.

پشتیوان پێنجوێنی بەم جۆرە پێشبینییەکانی بۆ بڕی باران و بەفر لە ناوچە جیاجیاکان خستووەتەڕوو:

شاری سلێمانی 40 بۆ 50 ملم

شاری هەولێر 25 ملم

شاری دهۆک 30 بۆ 40 ملم

شاری هەڵەبجە 40 بۆ 60 ملم

شاری کەرکوک 7 بۆ 15 ملم

قەزای کەلار 20 ملم

قەڵادزێ 90 بۆ 100 ملم

ڕانیە 100 بۆ 125 ملم

قەزای سەیسایەق 70 بۆ 80 ملم.

ناحیەی عەربەت 45 بۆ 60 ملم

قەزای چەمچەماڵ 25 بۆ 30 ملم.

هاوکات ئەوەشی خستووەتەڕوو، کە لە سلێمانی و لە سەنتەری شارەکە ئەگەری بارینی 10 بۆ 15 سم بەفر هەیە.