لیندزی گراهام: نیگەرانم لە هەماهەنگی سوریا و تورکیا بۆ هێرشکردنە سەر کوردانی سوریا
SNN-
لیندزی گراهام سیناتۆرى ئەمریکی دەڵێت: نیگەرانییەکانم لە زیادبووندان سەبارەت بەوەی حکومەتی نوێی سوریا لەگەڵ تورکیا یەکدەگرێتەوە بۆ بەکارهێنانی هێزی سەربازی دژی کوردانی سوریا، کە بەهێزترین هاوپەیمانمانن لە تێکشکاندنی یەکجارەکی داعشدا
دەشڵێت: ئەوان کۆنترۆڵی نزیکەی نۆ هەزار لە مەترسیدارترین زیندانییانی داعشیان لەدەستدایە، لە بەرژەوەندیی باڵای ئاسایشی نەتەوەییماندایە کە ئەم زیندانیانە نەگەڕێنەوە بۆ مەیدانی جەنگ
ئاماژەی بەوەشکردووە و دەڵێت:”من پشتیوانی لە پێدانی دەرفەتێکی دادپەروەرانە دەکەم بە حکومەتی نوێی سوریا، بەڵام ئەگەر هێرشەکان بۆ سەر کورد لەلایەن هێزەکانی سوریاوە بە پشتیوانی تورکیا پەرەبسێنن، ئەوا ئەمە دۆخێکی تەواو نوێ دەهێنێتە ئاراوە”.
راشیگەیاند: ئەگەر هەر کەسێک وا بیر دەکاتەوە کە من یان هەر یەکێک لە هاوکارانم -لەم قۆناغەدا- ئاسوودە دەبین بەوەی زیندانییانی داعش لەلایەن سوپای سوریا یان تورکیاوە پاسەوانی بکرێن لەجیاتی کوردەکان، ئەوا بەداخەوە لە هەڵەدان
