چوارچێوەی هەماهەنگیی بۆ پرسی سەرۆککۆمار لەگەڵ پارتی و یەکێتی کۆبووەوە

SNN

چوارچێوەی هەماهەنگیی، لە بەیاننامەیەکدا، ئاشکرایکرد کە ئەمڕۆ دووشەممە، 26ی کانوونی دووەمی 2026، لە کۆبوونەوەی ئاسایی خۆیاندا، میوانداریی شاندی پارتی دیموکراتی کوردستان و یەکێتیی نیشتمانیی کوردستانیان کردووە بۆ تاوتوێکردنی پرسی هەڵبژاردنی سەرۆک کۆماری نوێی عێراق.

کۆبوونەوەی جیاواز

بەپێی بەیاننامەکە، چوارچێوەی هەماهەنگیی بە شێوەیەکی جیاواز پێشوازیی لە شاندەکانی پارتی دیموکراتی کوردستان و یەکێتیی نیشتمانیی کوردستان کردووە و گوێی لە بۆچوون و تێڕوانینی هەردوو شاندەکە گرتووە.

داوای ڕێککەوتن و پابەندبوون بە وادە دەستوورییەکان

چوارچێوەی هەماهەنگیی داوای لە هەردوو لایەنی کوردی کردووە کە بگەنە ڕێککەوتنێک، بە شێوەیەک کە پرۆسەی هەڵبژاردنی سەرۆک کۆمار لەو ماوەیەی لە دەستووردا دیاریکراوە، ئاسان بکات.

لە کۆتایی بەیاننامەکەدا، چوارچێوەکە جەختی لەسەر پێویستیی ڕێزگرتن لە خشتەی کاتیی دەستووری و چارەسەرکردنی مافە نیشتمانییەکان کردووەتەوە.