ترەمپ: ئێران داوای دانوستان دەکات

SNN

سەرۆکی ئەمریکا دەڵێت: هێزێکی تۆکمە و زەبەلاحمان ئاراستەی رۆژهەڵاتی ناوەڕاست کردووە، هاوکات لەگەڵ ئەو پێش هاتەش ئێران داوای دانوستان و رێککەوتنی لێکردووین.

ماڵپەڕی ئەکسیوس لە زاری دۆناڵد ترەمپ سەرۆکی ئەمریکا بڵاویکردەوە: دوای رەوانەکردنی هێزە زەبەلاحەکەمان بۆ رۆژهەڵاتی ناوەڕاست، ئێران خواستی خۆی بۆ دانوستان و رێککەوتن لەگەڵ واشنتن دەربڕیوە.

ترەمپ ئەوەشی خستەڕوو، کە ئەو هێزەی لە چواردەوری ئێران کۆیانکردووەتەوە، زۆر لەو هێزە زیاترە کە لە دەوروپشتی ڤەنزوێلا کۆیانکردبووەوە.

ئەمەش هاوکاتە لەگەڵ گەیشتنی فڕۆکەهەڵگری ئەبراهام لینکۆڵن بە رۆژهەڵاتی ناوەڕاست و ناوچەی ئەرکی فەرماندەیی ناوەندیی سوپای ئەمریکا (سێنتکۆم).

هەفتەی رابردوو ستیڤ ویتکاف نێردەی تایبەتی ترەمپ بۆ کاروباری رۆژهەڵاتی ناوەڕاست لە داڤوسی سویسرا، رایگەیاند، چاوەڕێبووە لە پەراوێزی کۆڕبەندەکەدا چاوی بە عەباس عێراقچی وەزیری دەرەوەی ئەمریکا بکەوێت.

بەڕێوەبەرانی کۆڕبەندی داڤوس بە هۆی کوشتاری خۆپیشاندەران لە ئێران بانگهێشتنامەی عەباس عێراقچییان هەڵوەشاندبووەوە.