لەبارەی زیادکردنی بەشەخۆراک بۆ مانگی رەمەزان روونکردنەوە دەدرێت
SNN
وەزارەتی بازرگانی عێراق رایگەیاند، بە نیازن بڕی بەشەخۆراکی هاووڵاتییان بۆ مانگی ڕەمەزان زیاد بکەن و زیادکردنەکەش هەندێک بابەتی دیاریکراو دەگرێتەوە، کامەران فەتاح، بەرێوەبەری بەشەخۆراکی سلێمانیش دەڵێت: تاوەکو ئێستا هیچ بڕیارێکمان بەدەست نەگەیشتووە کە زیادکردنەکە هەرێمی کوردستان دەگرێتەوە یاخود نا.
وەزارەتی بازرگانی عێراق دەشڵێت: دابهشكردنی بهشهخۆراكی ئهم مانگه دهكهوێته پێش مانگی ڕهمهزانهوه تاوهكو هاووڵاتییان بهتهواوی سوودمهندبن لێی.
لەو بارەیەوە، کامەران فەتاح، بەرێوەبەری بەشەخۆراکی سلێمانی بە SNN-ی راگەیاند، وەکو ئێستا لە لایەن وەزارەتی بازرگانی عێراقەوە هیچ شتێکی فەرمی بە دەستمان نەگەیشتووە، بەڵام ساڵانە هەر بڕیارێک بۆ ناردنی بەشەخۆراک یان زیادکردنی بۆ عێراق دەربچێت ئێمەش دەگرێتەوە ورەنگە لەم چوار پێنج رۆژەشدا ئاگاداریشبکرێینەوە و ئەو کاتیش ئێمە ئاگادارتان دەکەینەوە.
وتیشی: کۆتایی ئەم هەفتەیە کۆتایی بە هەشتەم بەشەخۆراکی ساڵی رابردوو دێت، تەنها زەیت نەبێت کە دابەشناکرێت، هەر کاتێکیش بگات بە دەستمان دابەشی دەکەین.
