سەرۆکی ئەمریکا ترەمپ داوا لە ئێران کرد لە دانوستانەکاندا عەقڵانیتر بێت

SNN-

دۆناڵد ترەمپ سەرۆکی ئەمریکا، پێش دەستپێکی دانوستانە ئەتۆمییەکان لە جنێڤ، داوای لە ئێران کرد عەقڵانیتر بێت و وتی، “پێموایە نایانەوێت ئەنجامەکانی ڕێکنەکەوتن ببینن، بە بڕوای من دەیانەوێت ڕێککەوتن بکەن”.

ترەمپ ئاماژەی بەوەشکرد، دانوستانەکانی جنێڤ کرد کە لە نزیکەوە چاودێریی پرۆسەکە دەکات و بە شێوەیەکی ناڕاستەوخۆ بەشداریی کۆبوونەوەکان دەکات.

سەبارەت بە دانوستانەکانیش رایگەیاند، “ئەم کۆبوونەوانە زۆر گرنگ دەبن. دەبینین چی ڕوودەدات. ئێران بەگشتیی دانوسکارێکی زۆر سەختە. هیوادارم عەقڵانیتر بن. پێموایە نایانەوێت ئەنجامەکانی ڕێکنەکەوتن ببینن، بە بڕوای من دەیانەوێت ڕێککەوتن بکەن.”

سەرۆکی ئەمریکا باسی لەوەشکرد کە پێشتر ئێران دەرفەتی ڕێککەوتنی هەبوو بەڵام نەیکرد، لە بەرامبەردا ناچار بوون فڕۆکەکانی B-2 بنێرن، جەختیشی لەسەر ئەوە کردەوە ڕێگە نادەن ئێران ببێتە خاوەنی چەکی ئەتۆمی.