SNN-
لەیادی ڕۆژی جیهانیی زمانی دایکدا، بافڵ جەلال تاڵەبانی، سەرۆکی یەکێتیی نیشتمانیی کوردستان، لە پەیامێکدا پیرۆزبایی لە خەڵکی کوردستان دەکات و زمانی کوردی بە “هێمای شوناسی نەتەوەیی” ناودەبات.
پیرۆزبایی و شانازی
سەرۆکی یەکێتیی نیشتمانیی کوردستان لە پەیامەکەیدا دەڵێت: “لە ڕۆژی جیهانیی زمانی دایکدا، پیرۆزباییەکی گەرم ئاڕاستەی خەڵکی کوردستان و هەموو ئەو ڕۆڵە دڵسۆزانەی نیشتمانەکەمان دەکەم کە خەباتیان بۆ بەرزڕاگرتنی زمانەکەمان کردووە.”
هەروەها ڕایگەیاند: “بە شانازییەوە زمانی شیرینی کوردی، زمانی ئێمەیە و هێمای شوناسی نەتەوەییمانە. ئەرکمانە پارێزگاری لەم سامانە بەنرخە بکەین کە پێشینانمان بۆیان جێهێشتووین.”
بەرپرسیارێتیی هاوبەش و بەڵێنی کارکردن
لە کۆتایی پەیامەکەیدا، بافڵ تاڵەبانی جەختی لەوە کردەوە کە پاراستن و پەرەپێدانی زمانی دایک بەرپرسیارێتییەکی هاوبەشی هەمووانە و وتی: “بەڵێن دەدەین کار بۆ بەهێزترکردنی زمانی کوردی لە تەواوی بوارەکاندا بکەین.”
