کونسوڵخانەی ئەمریکا لە هەولێر: پێویستمان بە کارمەندی ئاو و ئاوەڕۆیە بە مووچەی زیاتر لە 40 هەزار دۆلار
SNN-
کونسوڵخانەی ئەمریکا لە هەولێر رایگەیاندوە، پێویستان بە کارمەندی میکانیک و ئاو و ئاوەڕۆیە، بە موچەی زیاتر لە 40 هەزار دۆلار و هەفتانە 40 کاتژمێر کارکردنە.
ئەمڕۆ شەممە، کۆنسوڵخانەی ئەمریکا لە راگەیەندراوێکدا هەلی کاری نوێی راگەیاندوە و دەڵێت پێویستمان بە کارمەندی میکانیک و ئاو و ئاوەڕۆیە، بۆ کارکردن لە بینای کۆنسوڵخانەکەیان لە هەولێر.
لە راگەیەندراوەکەدا هاتووە، مووچەی ساڵانەی ئەو کارمەندانەی وەردەگیرێن، 40 هەزار و 456 دۆلارە ساڵانە، واتە مانگانە زیاتر لە سێ هەزار و 300 دۆلار.
دەشڵێت: پێشکەشکردنەکە بۆ هەلی کار، لە رێگەی ئۆنلاینەوە دەبێت و لە 16ـی شوباتی 2026 تا 2ـی ئازاری 2026 وەرگرتنی سیڤی بەردەوام دەبێت.
ئەو کەسانەی دەیانەویت سیڤی پێشکەشکەن، دەتوانن لە رێگەی ئیمێلی کۆنسوڵخانەوە زانیاری زیاتر وەرگرن [email protected] و دوا وادەش بۆ پڕکردنەوەی سیڤییەکان 2ـی ئازاری ئەمساڵە.
