بافڵ جەلال تاڵەبانی: ئامادەین بۆ دانیشتنی هەڵبژاردنی سەرۆککۆمار

SNN-

بافڵ جەلال تاڵەبانی، سەرۆکی یەکێتیی نیشتمانیی کوردستان، لە بەغدا پێشوازیی لە سەید عەممار حەکیم، سەرۆکی ڕەوتی حیکمە کرد و ئامادەیی یەکێتیی بۆ بەشداریکردن لە دانیشتنی هەڵبژاردنی سەرۆککۆمار ڕاگەیاند.

تاوتوێکردنی دۆخی سیاسی

لە کۆبوونەوەکەدا، کە دکتۆر خالید شوانی، وەزیری دادی عێراق ئامادەیبوو، دۆخی سیاسیی ناوچەکە و هەنگاوەکانی پێکهێنانی حکومەتی نوێی عێراق تاوتوێ کران. لەمبارەیەوە، سەرۆک بافڵ گرنگیی بەردەوامیی دیالۆگی نیشتمانیی لەنێوان لایەنەکاندا دووپاتکردەوە و ڕایگەیاند: “یەکێتی بۆ بەهێزترکردنی گیانی پێکەوەیی و زیاتر خزمەتکردنی خەڵکە خۆشەویستەکەمان کاردەکات.”

ئامادەیی بۆ دانیشتنی پەرلەمان

سەبارەت بە پرسی هەڵبژاردنی سەرۆککۆمار، بافڵ جەلال تاڵەبانی جەختی لە ئامادەیی تەواوی یەکێتیی نیشتمانیی کوردستان کردەوە بۆ بەشداریکردن لە دانیشتنی ئەنجوومەنی نوێنەران بۆ هەڵبژاردنی سەرۆککۆمار و تەواوکردنی سەرجەم ڕێکارە دەستوورییەکان