تاڵیبان هەڕەشە لە پاکستان دەکات و دەڵێت: بێ وەڵام نابین
SNN-
وەزارەتی بەرگریی ئەفغانستان لە کاردانەوەی هێرشە ئاسمانییەکانی پاکستان بۆ سەر چەکدارانی قاعیدە و داعش، هۆشدارییەکی توندی دا و رایگەیاند؛ “لە کاتی گونجاودا وەڵامی ئەو هێرشانە دەدەینەوە”
وەزارەتی بەرگری ئەفغانستان رایگەیاند، فڕۆکە جەنگییەکانی پاکستان چەند ناوچەیەکی مەدەنییان لە ویلایەتەکانی “نەنگەرهار” و “پەکتیکا” بۆردومان کردووە بەهۆیەوە بە دەیان هاووڵاتی مەدەنی گیانیان لەدەستداوە و ژمارەیەکی زۆریش برینداربوون.
درەنگانێکی شەوی رابردوو، سوپای ئاسمانی پاکستان، بۆردمانێکی چڕی، چەند ناوچەیەکی ئەفغانستانی کرد، لە راگەیەندراوێکی فەرمیدا، وەزارەتی بەرگری ئەفغانستان بە توندی سەرکۆنەی بەزاندنی ئاسمانی وڵاتەکەی کرد و ئەم کارەی پاکستانی بە پێشێلکارییەکی زەقی یاسا نێودەوڵەتییەکان و بنەماکانی دراوسێیەتی وەسف کردوە، هەروەها هەڕەشەی وەڵامدانەوەش دەکات لە کاتی گونجاودا.
لە راگەیەندراوەکەدا دەڵێن، کە سوپای پاکستان بەرپرسیارە لە بە ئامانجگرتنی هاووڵاتیانی مەدەنی و ناوەندە ئایینییەکان لەو ناوچانەدا.
