ماددەکانی یەکەم سەبەتەی خۆراکی ئەمساڵ ئاشکرابوو
سەبەتەی خۆراک
SNN
ئەمڕۆ دووشەممە، بەڕێوەبەرایەتی بازرگانی و خۆراکی سلێمانی یەکەم بەشە خۆراکی سەبەتەی ئەمساڵ بەداتای مانگی یەکی 2026 بڵاوکردەوە و داواش دەکات هەر خۆراکێک خراپ بوو بیگەڕێننەوە و دابەشی نەکەن.
بەڕێوەبەرایەتی بازرگانی و خۆراکی سلێمانی لە راگەیەنراوەکەدا ماددە خۆراکییەکانی یەکەم سەبەتەی بەشەخۆراکی ئەمرساڵی بڵاوکردووەتەوە کە بۆ هەر نەفەرێک پێکدێت لە:
– برنج سێ کیلۆگرام
– شەکر یەک کیلۆگرام
– زەیت یەک لیتر
– نیسک 500 گرام
– لەتکە نۆک (بەزالیا) 500 گرام
– دۆشاوی تەماتە 400 گرام
لە کۆتای راگەیەنراوەکەدا هاتووە، ئاگاداری بریکارەکانی ناو شار و دەرەوەی شار دەکەین لە کاتی دابەشکردنی خۆراکی مانگانە ڕەچاوی مادەکان بکەن هەر مادەیەک دەرکەوت خراپە و بە کەڵکی خواردن نایەت دابەشی نەکەن بەسەر هاووڵاتییاندا، بەڵکو کۆمپانیای خۆراک ئاگادار بکەن تا بۆیان بگۆڕین.
