بافڵ تاڵەبانی و تۆم باراک جەخت لە خێراکردنی هەنگاوەکانی پێکهێنانی حکومەت دەکەنەوە
سەرۆک بافڵ و تۆم باراک
SNN
بافڵ جەلال تاڵەبانی، سەرۆکی یەکێتیی نیشتمانیی کوردستان، لە دەباشان پێشوازیی لە تۆم باراک، نێردەی تایبەتی سەرۆک دۆناڵد ترەمپ بۆ کاروباری سووریا کرد.
پێکهێنانی حکومەت و سەروەریی عێراق
لە کۆبوونەوەکەدا کە قوباد تاڵەبانی، ئەندامی مەکتەبی سیاسی و جۆشوا هاریس، کاربەڕێکەری باڵیۆزخانەی ئەمریکا لە عێراق ئامادەیبوون، پێکهێنانی حکومەتی نوێی عێراق تەوەرێکی سەرەکی بوو. هەردوولا جەختیان لە خێراکردنی پرۆسەکە و لابردنی بەربەستەکان کردەوە. هاوکات، دووپاتیان لەسەر ئەوە کردەوە کە پێویستە عێراق وەک وڵاتێکی گەشەسەندوو و خاوەن سەروەری و سەربەخۆ بمێنێتەوە.
لەمبارەیەوە، سەرۆک بافڵ ڕایگەیاند: “لە گێڕانی ڕۆڵێکی گرنگ لە عێراق بەردەوام دەبین تاوەکو دڵنیابین لەوەی داهاتووی وڵات بە شێوەیەک بێت باشترین خزمەت بە هەموو خەڵکی عێراق بکات.”
پێویستیی یەکڕیزیی کورد
هەر لە کۆبوونەوەکەدا، سەرۆک بافڵ و تۆم باراک هاوڕابوون لەسەر پێویستیی تەواوکردنی ڕێکارەکانی پێکهێنانی کابینەی نوێی حکومەتی هەرێمی کوردستان. لە کۆتاییدا جەخت لەسەر ئەوە کرایەوە کە دۆخی ئێستای ناوچەکە وادەخوازێت کە کورد یەک دەنگ و یەکگرتوو بێت، چ لە هەرێمی کوردستان و چ لە بەغداد.
