کۆبوونەوەی سێقۆڵیی بافڵ جەلال تاڵەبانی، تۆم باراک و مەزڵوم عەبدی جەخت لە جێبەجێکردنی ڕێککەوتنەکەی سووریا دەکاتەوە

SNN-

بافڵ جەلال تاڵەبانی، سەرۆکی یەکێتیی نیشتمانیی کوردستان، لە دەباشان، لە کۆبوونەوەیەکی سێقۆڵیدا لەگەڵ تۆم باراک، نێردەی تایبەتی سەرۆک دۆناڵد ترەمپ و ژەنەڕاڵ مەزڵوم عەبدی، فەرماندەی گشتیی هێزەکانی سووریای دیموکرات (هەسەدە) کۆبووەوە.

جەختکردنەوە لە جێبەجێکردنی ڕێککەوتنەکە

لە کۆبوونەوەکەدا، کە قوباد تاڵەبانی، ئەندامی مەکتەبی سیاسیی یەکێتی ئامادەیبوو، جەخت لەسەر پێویستیی جێبەجێکردنی تەواوی خاڵەکانی ڕێککەوتنی 29ی کانوونی دووەمی 2026ی نێوان هەسەدە و حکومەتی سووریا کرایەوە. هەموو لایەنەکان هاوڕابوون لەسەر لابردنی هەر بەربەستێک کە بێتە بەردەم پرۆسەکە.

سووریایەکی بنیاتنەر بۆ هەمووان

لە بەشێکی دیکەی دیدارەکەدا، دووپات لەسەر ئەوە کرایەوە کە پێویستە سووریا ڕێز لە مافی هەموو پێکهاتەکانی بگرێت. هەروەها جەختکرایەوە کە کاردەکەن بۆ یارمەتیدانی سووریا تاوەکو ببێتە وڵاتێکی بنیاتنەر و کاریگەر لە ناوچەکە و کۆمەڵگەی نێودەوڵەتیدا.