مەشعان جبووری: هێزێکی تایبەتی ئەمنی هەڵیکوتاوەتەسەر ماڵی یەزنی کوڕم و بۆ شوێنێکی نادیاریان بردووە

SNN-

مەشعان جبووری، سیاسەتمەداری سوننە، ڕایگەیاند هێزێکی ئەمنی یەزن جبووریی کوڕییان دەستگیرکردووە، هاوکات بەپێی بەڵگەیەکى دادگا، ناوبراو بە تۆمەتی ساختەکاری و بەهەدەردانی 41 ملیار دینار فەرمانی دەستگیرکردنی بۆ دەرچووە.

جبووری لە پەیامێکدا لە تۆڕی کۆمەڵایەتی (ئێکس), ئاماژەی بەوە کردووە کە پڕۆسەی دەستگیرکردنەکە لەسەر بنەمای فەرمانی دەستگیرکردن بووە کە لەلایەن دادوەری دادگای لێکۆڵینەوەی کەرخەوە دەرچووە.

هاوکات، بەڵگەنامەیەکی فەرمی کە لەلایەن ئەنجومەنی باڵای دادوەری/ سەرۆکایەتی دادگای تێهەڵچوونەوەی بەغدا – کەرخ/ دادگای تاوانەکانی بەرەنگاربوونەوەی گەندەڵی ناوەندی دەرچووە و مێژووەکەی دەگەڕێتەوە بۆ 25ی ئەم مانگە، فەرمانی گرتن و پشکنینی بۆ (یەزن مشعان) تێدا دەرچووە.

بەپێی بەڵگەنامەکە، کوڕەکەی مشعان جبوری تۆمەتبارە بەوەی سیفەتێکی وەزیفی داوەتە پاڵ خۆی و بە کاریهێناوە بۆ بەدەستهێنانی بەرژەوەندیی دارایی و وەرگرتنی بڕی 41 ملیار دینار.