بافڵ جەلال تاڵەبانی بۆ سودانی: ئامادەین بۆ هەڵبژاردنی سەرۆککۆمار

بافڵ جەلال تاڵەبانی، سەرۆکی یەکێتیی نیشتمانیی کوردستان، لە بەغداد لەگەڵ محەمەد شیاع سودانی، سەرۆکوەزیرانی عێراق کۆبووەوە و ئامادەیی یەکێتیی بۆ هەڵبژاردنی سەرۆککۆمار و پێکهێنانی حکومەتی نوێ دووپاتکردەوە.
هەڵسەنگاندن بۆ دۆخی سیاسی
لە دیدارەکەدا، هەڵسەنگاندن بۆ دوایین گۆڕانکارییە سیاسییەکانی عێراق و ناوچەکە کرا. هەردوولا جەختیان لەسەر گرنگیی هەماهەنگی و هاریکاریی نێوان لایەنە سیاسییەکان کردەوە بۆ تێپەڕاندنی ئاڵنگارییەکان.
تەواوکردنی ڕێکارە دەستوورییەکان
تەواوکردنی ڕێکارە دەستوورییەکان و پێکهێنانی حکومەتی نوێی عێراق تەوەرێکی دیکەی سەرەکیی کۆبوونەوەکە بوو. لەمبارەیەوە، سەرۆک بافڵ جەختی لە ئامادەیی تەواوی یەکێتیی نیشتمانیی کوردستان کردەوە بۆ هەڵبژاردنی سەرۆککۆمار و پێکهێنانی حکومەتێکی بەهێز و خزمەتگوزار کە ئامانجی سەرەکیی خزمەتکردنی هاوڵاتییان بێت.