وەزارەتی دارایی: دوایین گوژمەی مووچەی شوبات گەیشت و خشتەی دابەشکردن ڕادەگەیەنرێت

SNN-

وەزارەتی دارایی و ئابووریی هەرێمی کوردستان گەیشتنی دوایین بڕی تەمویلی مووچەی مانگی شوباتی ڕاگەیاند و ئاماژە بەوە دەکات، دوای تەواوکردنی ڕێکارە بانکییەکان لە ئەمڕۆدا خشتەی دابەشکردنی مووچە بڵاودەکەنەوە.

گەیشتنی گوژمەی کۆتایی و ڕاگەیاندنی خشتە

ڕۆژی دووشەممە، 9ـی ئازاری 2026، بڕی 295 ملیار و 405 ملیۆن دینار وەک دوایین گوژمەی تەمویلی مووچەی مانگی شوباتی فەرمانبەران و مووچەخۆرانی هەرێمی کوردستان گەیشت. پارەکە خراوەتە سەر هەژماری بانکی وەزارەتی دارایی لە لقی هەولێری بانکی ناوەندیی عێراق. وەزارەت ڕایگەیاندووە کە هەر ئەمڕۆ دوای تەواوکردنی ڕێکارەکان، خشتەی مووچە ڕادەگەیەنرێت و دەست بە دابەشکردنی دەکرێت.

شایستە داراییە نەنێردراوەکانی مانگی شوبات

وەزارەتی دارایی هەرێم ئاشکرای کردووە کە بۆ ئەم مانگەش، وەزارەتی دارایی حکومەتی فیدراڵ بڕی 16,107,881,000 (16 ملیار و 107 ملیۆن و 881 هەزار) دیناری لە تەمویلی مووچەی مانگی شوبات نەناردووە. بەپێی ڕاگەیێنراوەکە، ئەم بڕە پارەیە بریتییە لە شایستەی مووچەی مانگەکانی ڕابردووی خانەنشینانی شارستانی و سەربازی.

کێشەی پارە بڕدراوەکانی مانگی کانوونی دووەم

وەزارەتی دارایی ئاماژەی بەوەش کردووە، بەغدا بڕی 36,360,864,000 (36 ملیار و 360 ملیۆن و 864 هەزار) دیناری خەرج نەکردووەتەوە کە مانگی ڕابردوو لە تەمویلی مووچەی مانگی 1 بڕیبووی. ئەو بڕە پارەیە شایستەی ساڵی ڕابردووی خانەنشینانی سەربازی، شارستانی و کەمئەندامانی سەنگەر بووە.

هەوڵەکان بۆ وەرگرتنەوەی شایستەکان

وەزارەتی دارایی جەخت دەکاتەوە کە سەرەڕای ئەوەی لە ڕێگەی نووسراوی فەرمی و ناردنی تیمی تەکنیکییەوە ڕوونکردنەوەی پێویستیان داوەتە بەغدا و داوای خەرجکردنی ئەو شایستانەیان کردووە، بەڵام تاوەکو ئێستا حکومەتی فیدراڵ ئەو بڕە پارە بڕدراوانەی ڕەوانە نەکردووەتەوە