دەستبە دابەشکردنی مووچەی مانگی 2 کرا
SNN
وەزارەتی دارایی هەرێم رایگەیاند، ئەمڕۆ دەست دەکەن بە دابەشکردنی مووچەی مانگی دووی مووچەخۆر و فەرمانبەرانی هەرێم.
بەگوێرەی خشتەی مووچە کە وەزارەتی دارایی و ئابووری هەرێم بڵاویکردووەتەوە، ئەمڕۆ سێشەممە 10ی ئازار، دەست بە دابەشکردنی مووچەی مانگی شوباتی فەرمانبەر و مووچەخۆرانی هەرێمی کوردستان دەکرێت و رۆژی پێنجشەممە 12ی ئازار، کۆتایی دێت.
هەروەک لە خشتەکەدا هاتووە، ئەمڕۆ هەر یەک لە وەزارەتەکانی خانەنشینی شارستانی و پێشمەرگە، زیندانە سیاسییەکان، بەرکەوتووانی کیمیاباران، کەسوکاری شەهید و ئەنفالکراوان، کاروباری شەهید و ئەنفالکراوان، پەروەردە، تەندروستی و خوێندنی باڵا و توێژینەوە زانستی مووچەی مانگی 2 وەردەگرن.
