وەڵامێک لە وتەبێژی سوپای پاسدارانەوە بۆ ترەمپ

SNN

وتەبێژی سوپای پاسداران، عەمید عەلی محەممەد نائینی، لە وەڵامی لێدوانەکانی ترەمپدا ڕایگەیاند کە بانگەشەکانی سەرۆکی ئەمریکا هەوڵێکە بۆ ڕاکردن لە فشارەکانی جەنگ، دەڵێت “ترەمپ دەیەوێت لە فشارە دەروونییەکان رزگاری ببێت”.

عەمید عەلی، وتەبێژەکەی سوپای پاسداران رایگەیاندووە، ترەمپی تاوانبار دوای شکستە شەرمەزارکەرەکان لە جەنگدا، بە فێڵ و تەڵەکە دەوێت دەستکەوتی سەربازیی خەیاڵی دابهێنێت و ڕای گشتی بخەڵەتێنێت بۆ ئەوەی لە فشارە دەروونییەکان ڕزگاری بێت. دووپاتیشی کردەوە کە “هەرچی لە ترەمپمان بینیوە تەنها درۆ بووە، بڕیاری کۆتایی جەنگیش لای ئێمەیە و موجتەبا خامنەیی بڕیاری لەسەر دەدات”.

ئاماژەبەوەدەکات، لە کاتێکدا ترەمپ بانگەشەی ئەوە دەکات کە کەشتییە بازرگانی و سەربازییەکان بە ئاسانی بە گەرووی هورمزدا تێدەپەڕن، بەڵام لە ڕاستیدا کەشتییە جەنگییەکان و بەلەم و فڕۆکە شەڕکەرەکانی ئەمریکا، لە ترسی موشەک و درۆنە بەهێزەکانی ئێران، زیاتر لە هەزار کیلۆمەتر لە ناوچەکە دوور کەوتوونەتەوە.

بۆ کردنەوەی گەرووی هورمزیش ئاشکرایکردووە، لە ئەمڕۆوە هەر وڵاتێک باڵیۆزەکانی ئەمریکا و ئیسڕائیل لە خاکەکەی دەربکات ئەوا دەتوانێت بە گەرووی هورمزدا هاوچۆ بکات بەبێ هیچ ترس و دوودڵییەک

سەبارەت بە دۆخی سەربازانی ئەمریکا وتەبێژەکەی پاسداران وتوویەتی “ترەمپ دەڵێت بارودۆخی سەربازەکانی لە ناوچەکەدا ئاسایی و نموونەییە، بەڵام لە ڕاستیدا سەربازە ئەمریکییەکان لە بنکە سەربازییەکانیان ڕایانکردووە و بە جانتاکانیانەوە لە شارەکانی ناوچەکەدا بڵاوبوونەتەوە و هەندێکیشیان پەنایان بۆ هۆتێلەکان بردووە.”