دۆناڵد ترەمپ
SNN-
دۆناڵد تره‌مپ سه‌رۆكی ئه‌مریكا ئه‌مڕۆ هه‌ینی رایگه‌یاند، “ئێران پلانی ستراتیژی هه‌بو بۆ كۆنتڕۆڵكردنی ته‌واوی ناوچه‌ی ڕۆژهه‌ڵاتی ناوه‌ڕاستدا و ده‌شڵێت، “ئیداره‌ی ئه‌مریكا تاڕاده‌یه‌كی زۆر ئه‌و خواستانه‌ی پوچه‌ڵ كردوه‌ته‌وه.”
دۆناڵد تره‌مپ له چاوپێكه‌وتنێكدا له‌گه‌ڵ كه‌ناڵی فۆكس نیوز له باره‌ی دۆخی موجته‌با خامنه‌یی ڕێبه‌ری نوێی بالای كۆماری ئیسلامی ئێران وتی، “پێموایه هێشتا به شێوه‌یه‌ك یان شێوازێكی جیاواز له ژیاندایه.”
سه‌رۆكی ئه‌مریكا لەبارەی رێژه‌ی ئه‌و زیانانه‌ی به لایه‌نی ئێرانی گه‌یاندوه به “وێرانكارییه‌كی ته‌واو كه هیچ وڵاتێكی هاوشێوه‌ی نه‌یبینیوه” وه‌سفكرد و وتی، “هێشتا هه‌ندێك پاشماوه‌یان هه‌یه.”
هەروەها تره‌مپ داوای له كه‌شتییه بازرگانییه‌كان كرد كه بوێری ئه‌وه‌یان هه‌بێت كه له گه‌روی هورمزدا تێپه‌ڕن، جه‌ختیشیكرده‌وه كه تاران دوای ژێرئاوكه‌وتنی كه‌شتیه‌كانی چیتر مه‌ترسییه‌كی ڕاسته‌قینه‌ی ده‌ریایی دروستناكات.
ئەمەش له‌كاتێكدایه، كریس رایت وەزیری وزەی ئەمریکا پێشتر رایگه‌یاند، “لەم کاتەدا ناتوانرێت کەشتییە جەنگییەکان یاوه‌ری کەشتییە نەوتهەڵگرەکان بكه‌ن، دەشڵێت، کارلەسەر ئەوە دەکەن کە شەڕی ئێران چەند هەفتەیەک بەردەوام دەبێت نەک چەند مانگێک.”
